Ողջույն 🙂
Ես Արման Նորայրի Բեգոյանն եմ` դիպլոմավորված հոգեբան (դիպլ.մասն.), հավատարմագրված հոգեթերապևտ (Հոգեթերապևտի եվրոպական վկայական – ECP), սուպերվիզոր և դասընթացավար: Ամերիկյան հոգեբանական ասոցիացիայի միջազգային անդամ եմ, Հոգեթերապիայի լեհական ֆեդերացիայի լիիրավ անդամ, Աչքերի շարժումների միջոցով դեսենսիբիլիզացիայի և վերամշակման հայաստանի հոգեթերապևտների ասոցիացիայի էթիկայի հարցերով պատասխանատուն և համահիմնադիրը, Կոգնիտիվ-վարքաբանական թերապիայի գիտակրթական հայկական ասոցիացիայի փոխնախագահն ու համահիմնադիրը, Հիլֆմանն հոգեբանական ծառայության գլխավոր մասնագետն եմ։
Իմ աշխատանքային լեզուներն են՝ հայերենը, անգլերենը, լեհերենն ու ռուսերենը։
Հետազոտական հետաքրքրություններ
Իմ հիմնական հետազոտական հետաքրքրություններն են` տագնապի և տագնապային խանգարումների, սուր սթրեսով և հոգետրավմայով պայմանավորված խանգարումների նեյրոկենսաբանությունն ու հոգեթերապիան, ախտաբանական խաղամոլության հոգեթերապիան, ինչպես նաև բայեսյան մոտեցումը կենսաբանական կոգնիտիվ համակարգերին: Հեղինակ և համահեղինակ եմ 5 գրքի և 50ից ավել հոդվածի` անձի հոգեբանությունից, հոգեիմաստաբանությունից, կլինիկական հոգեբանությունից և հոգեթերապիայից:
Կլինիկական հետաքրքրություններ
Կլինիկական հետաքրքրություններս հիմնականում վերաբերվում են կոգնիտիվ-վարքաբանական թերապիային և Աչքերի շարժումների միջոցով դեսենսիբիլիզացիա և վերամշակում, որոնց շրջանակներում էլ և աշխատում եմ այցելուների/պացիենտների հետ:
Կրթություն
Գերազանցությամբ ավարտել եմ ՀՊՄՀ Հոգեբանության բաժինը (որակավորումները` իրավաբանական հոգեբան, հոգեբան-մանկավարժ): Այնուհետև սովորել եմ Ադամ Միցկևիչի անվ. համալսարանում և Պոզնանի բժշկական համալսարանում (ուղղվածությունները` կլինիկական հոգեբանություն, հոգեթերապիա, կոգնիտիվ գիտություն, նեյրոգիտություն), ինչպես նաև, ավարտել եմ ՀՊՄՀ ասպիրանտուրան (մասնագիտություն՝ Ընդհանուր հոգեբանություն, հոգեբանության տեսություն և պատմություն, անձի հոգեբանություն՝ ԺԹ․00․01; ուղղվածությունները` միջանձնային ընկալում, հոգեիմաստաբանություն / կոգնիտիվ իմաստաբանություն):
Մասնագիտական փորձ
- 06/2022-առ այսօր – Կոգնիտիվ-վարքաբանական թերապիայի գիտակրթական հայկական ասոցիացիայի փոխնախագահ ու համահիմնադիր
- 09/2019-առ այսօր – Աչքերի շարժումների միջոցով դեսենսիբիլիզացիայի և վերամշակման հայաստանի հոգեթերապևտների ասոցիացիայի էթիկայի հարցերով պատասխանատու և համահիմնադիր
- 11/2011-առ այսօր – գլխավոր մասնագետ, Հիլֆմանն հոգեբանական ծառայություն
- 09/2016-08/2017 – դասախոս, ՀՊՄՀ
- 01/2014-12/2014 – գիտաշխատող, ՀՊՄՀ Հոգեբանության ԳՀԼ
- 02/2011-08/2012 – դասախոս, Հյուսիսային համալսարան
- 01/2011-09/2012 – գիտաշխատող, ՀՊՄՀ Հոգեբանության ԳՀԼ
- 11/2008-02/2010 – հոգեբան, Այգ հոգեբանական ծառայությունների կենտրոն
- 09/2008-12/2008 – դասախոս, Եվրասիա միջազգային համալսարան
- 01/2006-10/2008 – հոգեբան, մասնավոր պրակտիկա
Իմ, իմ աշխատանքների և մասնագիտական, հետազոտական հետաքրքրությունների մասին ավելին իմանալու համար կարող եք այցելել իմ պաշտոնական էջերը սոցիալական, մասնագիտական և գիտական ցանցերում
